إيجابيات و سلبيات قناع او ماسك قلام قلو | Glam Glam Supermud

السلام عليكم و رحمة الله و بركاته 🤗🌸 

موضوعنا اليوم راح يكون عن ماسك او قناع مخصص لتنظيف المسامات ، المنتج هو ماسك قلام قلو الابيض (glam glow) ، طبعاً هو فيه كم نوع من هذا الماسك (القناع) ، بس اكثر واحد كان عليه مدح و انشهر بشكل كبير هو الابيض. 

الشي الي ميّز هذا القاناع او بشكل عام هذي الشركه ( قلام قلو) عن باقي الشركات 🤔  انها طلعت اول ماسك و قالت انه هذا هو سر جمال و صفاء بشرات نجات هوليوود ، و قالو انه أخيراً قررنا انه نصنع هذا الماسك (القناع) او السر  لجميع الناس و يسير شي سهل على الكل انهم يحصلوا على بشره جميله مثل المشاهير ✨💃🏻 ، و طبعاً نزل المنتج بسعر غااااالي جداً مقارنة بباقي الماسكات المتوفره في السوق 🤑 . 

 اوك بعد المقدمه هذي، خليني اكلمكم عن تجربتي و اقولكم ادا هذا المنتج يستحق المدح او لا. 

اشتريت هذا الماسك من سيفورا مجمع العرب، و اتوقع انه متوفر بكل محلات سيفورا ، و كمان راح تلاقي المجموعه الكامله هناك، يعني الانواع الاخرى من الاقنعه و كمان عندهم غسولات للوجه، هذا القناع سعره مرره غالي زي ما ذكرت قبل ، سعره حدود ٣٠٠ ريال و زياده 💸💸 ، بس عشان اكون صريحه معاكم ابداً ما ترددت اني اشتريه لاني سمعت عنه اشياء حلوه 😀 ، و كمان لانه غالباً
الاشياء الي سعرها يكون غالي ما تخلص بسرعه ،يعني بس احتاج كميه قليله من المنتج عشان اغطي الوجه كامل، ف على طول اتوكلت على الله و اشتريته. 

طريقة الاستخدام زي اي ماسك ، استخدمته مره كل اسبوع على وجه نظيف، و اتركه ٣٠ دقيقه نص ساعه يعني، بعدين اغسله و ارطب وجهي. 

👌🏽 ايجابيات ماسك قلام قلو Glam Glow

🎋ينظف من قلب ، يطلع اي شي من جوه الماسامات ، و بالتالي يصغر حجمها. 

🎋ممكن تستخدميه على الحبه بس ، و راح ينشفها.

🎋مع انه ينظف كويس ، لكن ما نشفلي وجهي. 

🙅🏻سلبيات ماسك قلام قلو Glam glow. 

🎋 بما انه ينظف من قلب ، فإذا كان فيه حبوب جوا البشره، يعني لسا ما طلعت للسطح ، فهذا الماسك راح يطلعها ، يعني ممكن بعد استخدامك لهاذا الماسك ح تلاحظي حبوب طلعت بوجهك، فلااازم تنتبهي ما تستخدميه قبل اي مناسبه. 

🎋  الكميه مرره قليله ، يعني يا دووب تستخدميه ٧ مرات و راح يخلص. 

🎋 ينشف بسررعه ، نفس قوام الماسك يتغير مع الوقت، يعني اول ما اشتريته كان سايل، و زي مو واضح من الصوره انه مررره قاسي و ثقيل، مع اني احرص اني اقفل العلبه كويس. 

و بس ، اتمنى انكم استفدتوا من البوست 💕💗💕