الزيت الثمين للشعر من لوريال | Loreal Extraordinary Oil

السلام عليكم و رحمة الله و بركاته 

صباح / مساء الفل و الياسمين 🌸🤗 

موضوع او بوست اليوم راح يكون عن منتج عناية بالشعر 🙆🏻 من شركة لوريال، اسم المنتج الزيت الثمين (Extraordinary Oil) ، هذا المنتج اشوف انه بين الزيت و السيروم و العطر للشعر ، ملمسه مره مره خفيف و سائل، ما احس انه فيه لزوجة الزيت او ثقل السيروم، يعني زي ما قلت قبل هوا بين الاثنين، شي ثاني لاحظته على هذا المنتج انه ما يدهن الشعر 💃🏻، خصوصاً الاطراف قد ما احط و اغرق الشعر ما يدهن ، احس الشعره تمتص هذا الزيت بسرعه و بسهوله 👍🏽، و كمان يخلي ريحة الشعر مرره حلوه، اعرف بنات دايما يعانون من رائحة الشعر خصوصاً الي شعورهم دهنيه، ف اتوقع هذا الزيت مناسب لهم مره 😀، كأنه مصمم لهم، لانه يعطي ترطيب حلو و خفيف بدون ما يترك اثر دهني و بنفس الوقت يعطر الشعر. و على فكره هذا الزيت فيه حمايه من الحراره و اشعة الشمس 😻 . 

بالنسبه لطريقة الاستخدام الي جربتها لهذا الزيت الثمين من لوريال ، له عدة طرق لاستخدامه ، راح اقولكم عليها كلها ، وبعدين راح اقولكم افضل طريقة ناسبتني 😉.

🎋  الطريقة الاولى: انك تستخدميه قبل ما تتروشي ( تغسلي شعرك) ، بأنك تغرقي شعرك بهذا الزيت و تتركيه فتره تتراوح مابين ساعه الى ساعتين٠

🎋 الطريقة الثانية: انك تستخدمي الزيت على كل الشعر بكميه قليله بعد الاستحمام على الشعر المبلل.

🎋 الطريقه الثالثة: انك تستخدميه بكميه صغيره بعد ما تسرحي او تستشوري شعرك، يعني تستخدميه زي السيروم. 

اوك دحين راح اقولكم على الطريقة الي ناسبت شعري اكثر شي ، وهي ب اني استخدم هذا الزيت كأنه مرطب ليلي لشعري 🌛💤، يعني كل يوم قبل ما انام ادهنه على شعري ، غالباً ادهنه على الاطراف فقط، يرطب الشعر بطريقه حلوه بدون ما يدهنه 👌🏽، و يعطي لمعه و ريحه حلوه،✨ في بعض الاحيان لما يكون شعري جاف بزيادة و غالباً يحصل هذا الشي بعد ما اصبغ شعري 🌚 في هذي الحاله استخدم هذا الزيت على مدار الساعه، يعني كل ما احس انه شعري جف اقوم احط من هذا الزيت. 

هذا الزيت الثمين من لوريال متوفر في كل الصيدليات و السوبرماركت ، بس سعره غالي شوي ✋🏽💸، زي ما انتو شايفين من الصوره سعر هذا الزيت ٥٢ ريال سعودي. 

اتمنى تكونوا انبسطو و استفدتو من هذا البوست 💕💗💕