بسم الله ، و نبدأ في بوست اليوم 🙋🏻🤗
زي ما انتو شايفيين من العنوان فوق و الصورة انه بوست اليوم حيكون عن المياه المنظفه للبشرة من غارنييه💧💦 ، في البدايه هذا المنتج فكرته جديده بس مو مره مره جديده 🤓 لانه الشركة المعروفه الفرنسيه بيودرما عندها نفس المنتج ( مياه تنظيف الوجه) ، بس طبعاً الي من غارنييه متوفر بسهوله و بسعر ارخص 😍 💵 .
اوك دحين خلينا نتكلم و نشرح فكرة هذا المنتج 🔍 ، المياه المنظفه ب اختصار هي غسول و مزيل مكياج وتونر ، طيب خلينا نشرح زيادة ، دحين في نهاية اليوم عادةً ايش نسوي عشان ننظف البشره من المكياج و الدهون و الوسخ 🤔 ؟ اكيد حنجيب قطنه و نبللها بمزيل مكياج اول شي و نمسح الوجه و نحاول ننظف البشره قد ما نقدر من المكياج بعدين حنروح للمغسله و نشطف الوجه ب مويا و الغسول اليومي و اذا كنتي مره مره مهتمه بزياده حتجيبي قطنه و تبليها بالتونر و تمسحي على وجهك ، شايفيين قد ايش احنا نعاني 🙉 🙆🏻، طيب الخلاصه انو غارنييه طلعت دا المنتج و تقوللك انو راح يختصرلك هذي الخطوات كلها 💃🏻😍 ، ف انتي ما راح تحتاجي لمزيل مكياج و غسول و تونر 🙆🏻 عشان تنظفي وجهك الي راح تحتاجيه هو هذي المياه المنظفه عشان تزيلي المكياج و تنظفي وجهك من الدهون و الوسخ، يعني في نهاية اليوم لما تفكري تشيلي المكياج او تنظفي وجهك ما راح تحتاجي الا انك تاخدي قطنه و تبليها بمياه غارنييه المنظفه 💦💧 و تمسحي فيها المكياج ( مكياج الوجه و العين) و بالنسبه ليا بعد ما امسح المكياج ارمي القطنه و آخذ و حده ثانيه ابلها بمياه غارنييه المنظفه و امسح وجهي مره تانيه عشان اتأكد مزبوط انه وجهي نظف كويس 🤓 و طبعاً تقدري توقفي هنا و بكدا تكوني نظفتي وجهك كويس بس بالنسبه ليا احب الطش وجهي بمويا نظيفه 🚿 عشان احس بانتعاش 😌 ، النتيجه الي راح تحصلي عليها من هذا المنتج انو وجهك حينظف من كل شي 👌🏽( مكياج و دهون) .
🗣 الخلاصه :
💧 اشوف انو هذا المنتج حلو و بديل ارخص لمياه بيودرما.
💧حلو و لطيف على البشره.
💧اكيد متوفر بكل مكان ( سوبرماركت، صيدليه).
💧مناسب لجميع انواع البشره لكن اذا بشرتك حساسه او تطلع حبوب بسهوله انصحك تسوي مثلي بأنك تغسلي وجهك بمويا نظيفه بعد ما تمسحي بهذي المياه المنظفه من غارنييه .
وبس اتمنى تكونو استفدتو🤗😘
No comments:
Post a Comment