سنفرة كريم كاب لتبييض الجسم و الوجه بالصور

 

 

السلام عليكم و رحمة الله و بركاته 🙋🏻 

مرحباً فيكم بموضوع جديد في مدونة تجرُبه تايم 🤗💕 

موضوعنا راح يكون عن منتج انشهر بشكل مجنوون 😳، و طبعاً انا قلت لااازم اجربه و اشوف نتايجه بنفسي، كثير كتبه عنه انو يفتح الجسم من اول مره تستخدميه 🤔، و طبعاً بما اني اعاني من تصبغات في بعض مناطق جسمي، زي الارداف، و كمان اثار حبوب في ظهري من بعد الحلاوه، قلت يلا اتوكل على الله و اجربه و ان شاء الله ينفع معايا . 

اذاً في موضوع اليوم راح انقل لكم تجربتي من استخدام سنفرة كريم كاب 🙂، مكتوب على العلبه انه يستخدم للجسم و الوجه، لكن انا بس جربته لجسمي، لانه احس اي شي يستخدم للجسم ما ينفع للوجه الا اذا كان شي طبي 😇 ، خصوصاً اني اول ما فتحت علبة سنفرة كريم كاب شميت ريحة عطر قويه 🌸 ، الريحه زي بودرة جونسون حقت الاطفال، يعني بوجهة نظري اذا وجهك يتحسس و يطلع حبوب بسهوله ما انصح انك تستخدمي هذي السنفره على وجهك 🙅🏻. 

سنفرة كريم كاب ملمسها كريمي و خفيف بنفس الوقت و فيها حبوب للتقشير و السنفره، بالنسبه لطريقة استخدامها مكتوب على العلبة انه يفضل استخدامها مع الحمام المغربي، بالنسبه ليا جربتها مع الحمام المغربي حسبتها مره قويه و تحرق لانه الجسم يكون رقيق مع المويا الحاره و استخدام الليفه المغربيه 🤕.

الطريقه الي نفعت معايا هي استخدام سنفرة كريم كاب من مرتين الى ثلاثه مرات بالاسبوع، استخدمها بعد غسول الجسم على بشره رطبه 💦 ، بس اهم شي تكون المسام مفتوحه ، يعني حمامي يكون بمويا دافيه قريبه للحاره ، ادهن كميه مناسبه على كل الجسم ، بعدين ابدء احرك يدي على جسمي بحركة دائريه و اركز على الارداف و الظهر ، لمدة خمسة دقايق تقريباً ⏲ ، بعدين اغسل جسمي بمويا بااارده ❄️، و بس اطلع من الحمام و اجفف و ارطب جسمي، و مره ضروووري الترطيب بعد اي سنفره، عشان ما ينشف و يتشقق الجسم 😖.  

النتيجه ولا احلى 👌🏽، حسيت جسمي فيه نضاره و لمعه حلوه من اول استخدام  ✨ ، ملمس جسمي سار مرره ناعم، بالنسبه للتفتيح لاحظت فرق بسيط ومع الاستخدام المتكرر لاحظت تغيير بمنطقة الارداف سارت افتح بشويا من قبل 😀 ، اما آثار الحبوب الي في ظهري ما حسيت بتغيير ملحوظ 🤔، لكن بستمر عليها و ان شاء الله مع الاستمرار تبان النتيجه احلى. 

و بس اتمنى انكم استفدتوا 🤗،  و انتظروني في موضوع جديد على مدونة تجرُبه تايم 💕💗💕