دبل سيروم من كلارينس لمعالجة التجاعيد و توحيد اللون |CLRINS Double Serum

صباح / مساء الخير 

يوم جديد و بوست جديد على مدونة تجرُبه تايم 🤗

البوست اليوم حيكون عن منتج عناية بالبشرة ، كثير من البيوتي بلوقرز تكلموا عنه، ف الاخت اتحمست و روحت على وجوه و اشتريته، هذا المنتج اسمه دبل سيروم من شركة كلارينس و هو عباره عن سيروم ، طيب خلينا نشرح  ايش يعني سيروم ، السيروم يا حلوين هو شي اخف من الكريم المرطب و يكون سائل أكثر و المكونات تكون مركزه و فعاله
اكثر من مكونات الكريم المرطب، و ينصح باستخدام السيروم لجميع انواع البشره بالذات اذا كنتي محتاجه شي اكثر من الترطيب، بالنسبه ليا عشان بشرتي دهنيه ما احس اني احتاج كريم مرطب لذلك استغنيت  الكريم المرطب و سرت استخدم اي سيرم ممتاز و فيه نسبة ترطيب بسيطه ، و هذا احد الاسباب الي خلاني اتحمس اني اشتري الدبل سيروم من كلارينس

دبل سيروم من كلارينس تميز بفكرته المختلفه و الجديده، و هي تكتولوجيا دمج السيروم بزيوت فعاله و مفيده للبشره، الفكره حلوه و جذابه ، و اتوقع عشان هذي الفكره المبتكره سعر المنتج جداًمرتفع ، سعره في وجوه ٤١٩ ريال سعودي، بس ترا بشكل عام اسعار السيروم تكون اغلى من المرطبات عشان زي ما ذكرت سابقاً انه المكونات تكون مركزه. 

الدبل سيروم من كلارينس يتدعي بانه يرطب ، و يعالج التجاعيد ، و يوحد لون البشره ، و يشد و يصغر المسامات، يعني كأنه يقولك انا المنتج السحري الي راح اقدر اعالج كل مشكل البشره. 

المهم خلوني اقولك كيف طريقة استخدمي لهذا السيروم طبعا ما تختلف عن اي سيروم قيد استخدمته من قبل ، كل الي اسويه اني استخدمه في الليل بعد ما اغسل وجهي، هذا السيروم ملمسله مرره حلو على البشره ، و فيه نسبة ترطيب اعلى من كل سيرومات الي استخدمتها قبل.  

لكن للاسف النتيجه الي حصلت عليها ما كانت حلوه ابدااااً ، بعد كم يوم من استخدامي ل دبل سيروم ، لاحظت انه وجهي سار دهني اكثر من قبل 😤 ، و طلعلي حبوب على وجهي 😣😣، انا لاحظت انه معطر زياده عن اللزوم فهذا ممكن يكون السبب وراء الحبوب ، او ممكن لانه فيه زيوت ، عموماً انا  بشرتي دهنيه و حساسه و ما تستحمل اي زيوت او عطور ، على طول تحسس و تنعدم.  

وبس اتمنى انكم استفدتو من تجربتي 💕💗💕