تجربتي لارواج نكيس المات | NYX Soft Matte Lip Cream

 

السلام عليكم و رحمة الله و بركاته 🙋🏻 

اهلاً و سهلاً بكم في موضوع جديد من مدونة تجرُبه تايم ، موضوع اليوم راح يكون بعيد عن العنايه و ما الى ذلك، اليوم راح اقولكم تجربتي في استخدام ارواج نيكس السائله و المطفيه او المات. 

في البدايه خلوني اكلمكم شويا عن ماركة نيكس، هذي الماركه مخصصه للمكياج 👄💁🏻 ، يعني بس مكياج ما راح تلاقو عندهم منتجات عنايه ، ستاندات هذي الماركة ما شوفتها غير بسنتر بوينت 🕵 طبعاً جهة المكياجات، تعتبر

شُرب الماء مع الليمون لبشرة نضره و صحيه

 

السلام عليكم و رحمة الله و بركاته 🙋🏻

صباح / مساء الفل 🌸🤗

الموضوع الي راح اشاركم فيه اليوم مختلف و بعيد شوي عن تقييم المنتجات، اليوم ان شاء الله راح اقولكم على افضل و اسهل طريقه عشان تحصلي على بشره نضره و صحيه ، و طبعاً بعيد عن حوسة الخلطات و الاسعار المرتفعه لحبوب الفيتامينات الي كمان ممكن يكون لها آثار جانبيه للأسف 🙃. 

الطريقه او السر مره سهل اي وحده تقرا الموضوع تقدر تقوم و تسويه على طول و بكل سهوله 😺🙀، يعني المكونات متوفره اكيييد في كل بيت، كل الي نحتاجه هو:  

سنفرة كريم كاب لتبييض الجسم و الوجه بالصور

 

 

السلام عليكم و رحمة الله و بركاته 🙋🏻 

مرحباً فيكم بموضوع جديد في مدونة تجرُبه تايم 🤗💕 

موضوعنا راح يكون عن منتج انشهر بشكل مجنوون 😳، و طبعاً انا قلت لااازم اجربه و اشوف نتايجه بنفسي، كثير كتبه عنه انو يفتح الجسم من اول مره تستخدميه 🤔، و طبعاً بما اني اعاني من تصبغات في بعض مناطق جسمي، زي الارداف، و كمان اثار حبوب في ظهري من بعد الحلاوه، قلت يلا اتوكل على الله و اجربه و ان شاء الله ينفع معايا . 

إيجابيات و سلبيات قناع او ماسك قلام قلو | Glam Glam Supermud

السلام عليكم و رحمة الله و بركاته 🤗🌸 

موضوعنا اليوم راح يكون عن ماسك او قناع مخصص لتنظيف المسامات ، المنتج هو ماسك قلام قلو الابيض (glam glow) ، طبعاً هو فيه كم نوع من هذا الماسك (القناع) ، بس اكثر واحد كان عليه مدح و انشهر بشكل كبير هو الابيض. 

الشي الي ميّز هذا القاناع او بشكل عام هذي الشركه ( قلام قلو) عن باقي الشركات 🤔  انها طلعت اول ماسك و قالت انه هذا هو سر جمال و صفاء بشرات نجات هوليوود ، و قالو انه أخيراً قررنا انه نصنع هذا الماسك (القناع) او السر  لجميع الناس و يسير شي سهل على الكل انهم يحصلوا على بشره جميله مثل المشاهير ✨💃🏻 ، و طبعاً نزل المنتج بسعر غااااالي جداً مقارنة بباقي الماسكات المتوفره في السوق 🤑 . 

 اوك بعد المقدمه هذي، خليني اكلمكم عن تجربتي و اقولكم ادا هذا المنتج يستحق المدح او لا. 

اشتريت هذا الماسك من سيفورا مجمع العرب، و اتوقع انه متوفر بكل محلات سيفورا ، و كمان راح تلاقي المجموعه الكامله هناك، يعني الانواع الاخرى من الاقنعه و كمان عندهم غسولات للوجه، هذا القناع سعره مرره غالي زي ما ذكرت قبل ، سعره حدود ٣٠٠ ريال و زياده 💸💸 ، بس عشان اكون صريحه معاكم ابداً ما ترددت اني اشتريه لاني سمعت عنه اشياء حلوه 😀 ، و كمان لانه غالباً

لوشن كريم ٢١ للجسم | Body Lotion Creme 21

السلام عليكم و رحمة الله و بركاته 🌻 

مرحباً فيكم بموضوع جديد من مدونة تجرُبه تايم 🙋🏻

المنتج الي راح اقوم بتقييمه اليوم هوا لوشن جسم من شركة كريم ٢١ ، طيب هذا اللوشن اشتريته من فتره من بنده، طيب خلني اقولكم ليش انا اتحمست و اشتريته، السبب الرئيسي الي خلاني اشتري لوشن ٢١ هو المدح الزاااايد على كريم ٢١ ، فقلت خليني اجربه، و معظم المدح كان عشان قوة ترطيبه و انه مناسب للبشره الحساسه. 

من فتره شوفت وحده بالانستقرام تشرح طريقة الحمام المغربي 😀، و ذكرت انها نهاية الحمام ترطب جسمها بهذا اللوشن لوشن كريم ٢١ ، و قالت انه يناسب البشره الحساسه و المتهيجه، من هنا انا خلاص قلت النزله الجايه للصيدليه او بنده لااازم اشتري هذا الكريم ، و بالفعل اشتريته 💸 و له عندي تقريبا شهر

الزيت الثمين للشعر من لوريال | Loreal Extraordinary Oil

السلام عليكم و رحمة الله و بركاته 

صباح / مساء الفل و الياسمين 🌸🤗 

موضوع او بوست اليوم راح يكون عن منتج عناية بالشعر 🙆🏻 من شركة لوريال، اسم المنتج الزيت الثمين (Extraordinary Oil) ، هذا المنتج اشوف انه بين الزيت و السيروم و العطر للشعر ، ملمسه مره مره خفيف و سائل، ما احس انه فيه لزوجة الزيت او ثقل السيروم، يعني زي ما قلت قبل هوا بين الاثنين، شي ثاني لاحظته على هذا المنتج انه ما يدهن الشعر 💃🏻، خصوصاً الاطراف قد ما احط و اغرق الشعر ما يدهن ، احس الشعره تمتص هذا الزيت بسرعه و بسهوله 👍🏽، و كمان يخلي ريحة الشعر مرره حلوه، اعرف بنات دايما يعانون من رائحة الشعر خصوصاً الي شعورهم دهنيه، ف اتوقع هذا الزيت مناسب لهم مره 😀، كأنه مصمم لهم، لانه يعطي ترطيب حلو و

مزيل و مضاد التعرق ليدي سبييد ستيك Lady Speed Stick

صباح / مساء الخير 🌸 

اهلاً و سهلاً بكم جميعاً في بوست جديد من مدونة تجرُبه تايم 🤗  

موضوع او تقييم اليوم راح يكون عن مزيل و مضاد تعرق ليدي سبييد ستيك ( Lady Speed Stick) ، بس قبل ما ابدأ بتقييم هذا المنتج حابه اشرح شي مهم لازم الكل يكون فاهمه ، هذا الشي هو الفرق بين مزيل رائحة العرق و اسمها بالانجليزي ( deodorant ) و بين مضاد التعرق و اسمها بالانجليزي (antiperspirant).

مرطب (لوشن) جرجنز المقاوم للشيخوخة | Jergens Age Defying Moisturizer

  

السلام عليكم و رحمة الله و بركاته 🙋🏻

اهلا وسهلا بكم في بوست جديد من مدونة تجرُبه تايم 💃🏻 

بوست اليوم راح يكون ان شاء الله عن لوشن او مرطب للجسم ، هذا المنتج موش معروف او بالاصح موش مشهور بين البيوتي بلوقرز ، يعني بالعربي ماحد اكتشفه او حب يجربه و يكتب عن هذا المنتج. 🤓

منتج اليوم هو لوشن جرجنز المقاوم للشيخوخه من جرجنز ، طبعاً هذا اللوشن يستخدم للجسم ، موش للوجه ، طيب كيف مقاوم لشيخوخة الجسم؟؟ 

الجسم تبان عليه الشيخوخه بعدة أشكال منها البقع او التصبغات، و الجفاف، و السيلوليت ، و ترهل الجلد. 

دبل سيروم من كلارينس لمعالجة التجاعيد و توحيد اللون |CLRINS Double Serum

صباح / مساء الخير 

يوم جديد و بوست جديد على مدونة تجرُبه تايم 🤗

البوست اليوم حيكون عن منتج عناية بالبشرة ، كثير من البيوتي بلوقرز تكلموا عنه، ف الاخت اتحمست و روحت على وجوه و اشتريته، هذا المنتج اسمه دبل سيروم من شركة كلارينس و هو عباره عن سيروم ، طيب خلينا نشرح  ايش يعني سيروم ، السيروم يا حلوين هو شي اخف من الكريم المرطب و يكون سائل أكثر و المكونات تكون مركزه و فعاله

ماسكارا سموكي لاش من ميك اب فورايفر للاستخدام اليومي | makeup for ever smoky lash

أهلاً و سهلاً فيكم في بوست جديد من مدونة تجرُبه تايم . 🙋🏻🤗 

الماسكارا و ما ادراك ما الماسكارا 🤓 ، الشي الي من جد يحلي مكياج العين بعد الكحل هيا الماسكارا 👁، بوست اليوم حيكون عن ماسكارا من زمان عندي خلصتها الى آخر قطره ✋🏽 ، وهذا شي مو غريب لاني ما احب اشتري ماسكارا الا لما تخلص الي عندي، لانه معروف الماسكارا من الاشياء الي لازم تستخدميها على طول عشان ما تنشف، يعني ما ينفع تفتحي وحده و تستخدميها شويا بعدين تركنيها على جنب و تفتحي وحده تانيه لانه مع الوقت حتتغير و تنشف بسرعه . 

المهم الماسكارا الي حتكلم عنها بهذا البوست هيا سموكي لاش ( smoky lash) من ميك اب فور ايفر ( makeup for ever) اشتريتها من سيفورا الي بالريدسي مول بجده، سعرها كان مناسب يعني مو مره غاليه زي الماسكارا من لانكوم و دي الطقه 🤑. 

الحل لمعالجة حبوب بعد الحلاوه او الشمع

 

صباح / او مساء الخير 

زي ما انتو شايفين من العنوان اليوم البوست راح يكون عن الحبوب الي تطلع من بعد الحف بالشمع او الحلاوه او الفتله 😣. و اتوقع انو كثير من السيدات و الفتيات يعانو من هذي المشكله، و للاسف انا وحده منهم 😔، بالنسبه لوضعي بعد ما اشيل الشعر بالحلاوه او الشمع تطلعلي حبوب صغيره في بعض الاماكن ، في البداية تكون المنطقه حمرا مره و بعدين تدريجيا يخف الحمار و تطلع حبوب كثيره تغطي المنطقه، عانيت منها كثير ، المناطق الي تحصلها هذي الحاله بالنسبه ليا هي الوجه و اليدين من فوق و الظهر. 

كريم جليسوليد لتوحيد لون الجسم 🤔| GLYSOLID GLYCERIN CREAM

اهلاً و سهلاً فيكم في بوست جديد من مدونة تجرُبه تايم 🤗، اليوم راح اتكلم عن منتج عناية بالجسم ، هذا المنتج اشهر من نار على علم، مشهور جداً في المنتديات و الانتسقرام، و في اي خلطة للجسم تلاقي من مكوناتها هذا الكريم و خصوصاً الخلطات الي تعالج اختلاف لون الجسم و الجفاف، و طبعاً انا اتحمست اجربه عشان توحيد لون الجسم و الترطيب . 

علبة ظلال ( ايشادو) لوراك برو | LORAC 'PRO' Palette 🎨🏵

بسم الله و نبدأ . هذا البوست اكتبه وانا صايمه و بطريق السفر رايحه لجده فأعذروني اذا الكلام طلع متلخبط 😅🙊 . المهم يلا نبدأ بوست رقم ٣ و اول بوست يتعلق بالمكياج💃🏻 راح يكون عن علبة ظلال او باليت لوراك برو الاصدار الاول لانه في منها رقم ٢ و ٣ ، الاولى الي راح اتكلم عنها اليوم و الثانيه انشهرو بطريقة رهيبه، وكنت جداً محتاره بين الاثنين بس حسيت اني ارتحت اكثر للأولى  و اشتريتها، بس على حسب علمي انه هذي الماركة لوراك غير متوفره في السعوديه 🙃، ف انا ايش سويت ؟ اختصرت الهرجه و بدل ما ادور تاجره بنفس مدينتي و تحويل فلوس و متى يوصل و بالاخير حتطلع الاصليه ولا التقليد ، اختصرت دا كلو و روحت دايركت على موقع نوردستروم (Nordstrom)

المياه المنظفه للبشرة من غارنييه | GARNIER MICELLAR CLEANSING WATER 💦💧

بسم الله ، و نبدأ في بوست اليوم 🙋🏻🤗 

زي ما انتو شايفيين من العنوان فوق و الصورة انه بوست اليوم حيكون عن المياه المنظفه للبشرة من غارنييه💧💦 ، في البدايه هذا المنتج فكرته جديده بس مو مره مره جديده 🤓 لانه الشركة المعروفه الفرنسيه بيودرما عندها نفس المنتج ( مياه تنظيف الوجه) ، بس طبعاً الي من غارنييه متوفر بسهوله و بسعر ارخص 😍 💵 . 

اوك دحين خلينا نتكلم و نشرح فكرة هذا المنتج 🔍 ، المياه المنظفه ب اختصار هي غسول و مزيل مكياج وتونر ، طيب خلينا نشرح زيادة ، دحين في نهاية اليوم عادةً ايش نسوي عشان ننظف البشره من المكياج و الدهون و الوسخ 🤔 ؟ اكيد حنجيب قطنه و نبللها بمزيل مكياج اول شي و نمسح الوجه و نحاول ننظف البشره قد ما نقدر من المكياج بعدين حنروح للمغسله و نشطف الوجه ب مويا و الغسول اليومي و اذا كنتي مره مره مهتمه بزياده  حتجيبي قطنه و تبليها بالتونر و تمسحي على وجهك ، شايفيين قد ايش احنا نعاني 🙉 🙆🏻،

مدونة تجرُبه تايم💕💗💕

صُممت مدونة تجرُبه تايم لتكون مرجع لكل فتاة أو سيدة تبحث عن أفضل منتجات العناية بالبشرة و الشعر و الجسم و المكياج المتوفرة في أسواقنا العربية تحديداً في المملكة العربية السعودية 🇸🇦. سأقوم بتقييم المنتجات بعرض إيجابياتها و سلبياتها بناءً على تجربتي الشخصية 💁🏻. 

زيت جوز الهند لتنعيم الشعر 🤔

في هذا البوست راح اكتب عن تجربتي الشخصية لزيت جوز الهند 🌴لتنعيم الشعر🙆🏻.  

في البدايه انا وحده شعري طبيعته ناعم و فيه لمعه يعني بالعربي دهني، بس طبعا مع الصبغات و سحب اللون انعدم ابو جده 🏃🏻. و اكيد تعرفو سحب اللون كيف يعدم الشعر. و للأسف شعري دحين صار زي سلكة المواعين و اسوء كمان خشن و ضعيف بنفس الوقت و اطرافه معدوومه و تتكسر بسهوله 🤕. المهم اني جربت اشياء معالجه للشعر كثير على امل انو يرجع زي قبل او على اقل يصير صحي شوي 😪. جربت حمامات زيت و ماسكات و زيوت كلها متعبه و مكلفه 💸و نتيجتها مو ذاك الشي☹️. الا شي واحد قلب شعري فوق تحت و طبعا للافضل 😀 و دا الشي هوا زيت جوز الهند🌴🙌🏽 انا جربت المتوفر الي هو من شركة باراشوت  تلاقوه بالصيدليات و السوبرماركت و العطارين يعني متوفر بكل مكان تقريبا و سعره جداً مناسب 🤗، يعني اشوف انو ما تحتاجي تطلبي زيت جوز هند من التاجرات او النت خلي الطلب للاشياء النادر تلاقيها في اسواقنا😍 ( رأيي الشخصي)